काठमाडौं, १६ फागुन । माउन्टेन टेलिभिजनले भाेली होलीको प्रत्यक्ष प्रशारण गर्ने भएको छ । रङ्गहरूको महान् पर्व फागु पूर्णिमा (होली) को सुखद् अवसरमा माउण्टेन टेलिभिजनले होली २०७४ प्रत्यक्ष प्रशारण कार्यक्रम आयोजना गर्न लागेको हो ।
ललितपुरको जावलाखेल डबलीमा हुने ‘होली विषेश’ कार्यक्रममा चर्चित कलाकारहरुले आफ्नो कला प्रस्तुत् गर्ने छन् । जसमा चर्चित ब्यान्ड गन्तब्य, एक्स ब्यान्डका साथमा सरोज नापित, डिजे सोनाम, धिरज राई, प्राश्ना शाक्यले आफ्नो दमदार कला देखाउने छन्।
कार्यक्रम विहान ११ बजे देखि ४ बजेसम्म जारी रहने छ । यो कार्यक्रम माउन्टेन टेलिभिजन, भक्ति दर्शन र विजनेस प्लसले प्रत्यक्ष प्रसारण गर्ने छन् । कार्यक्रमको सुरु र अन्त्यमा डिजे सोनामको प्रस्तुति रहनेछ ।
कार्यक्रममा सहभागि भई भरपुर मनोरन्जन लिनका लागि माउन्टेन टेलिभिजनले सर्वसाधारणलाई अनुरोध गरेको छ । यस कार्यक्रम हेर्नका लागि कुनै पनि शुल्क तिर्नु पर्ने छैन ।
