धादिङ, १७ असोज । धादिङमा ट्रकको ठक्करबाट २ जना बालकको मृत्यु भएको छ । गजुरी गाउँपालिका–२ मलेखुस्थित मजुवामा ट्युशन पढ्न गएका बालकहरु निर्मल श्रेष्ठ र सन्जिब श्रेष्ठको ट्रकले किचेर घटनास्थलमै मृत्यु भएको प्रहरीले जनाएको छ ।
काठमाडौंबाट चितवनतर्फ जादैं गरेको प्रदेश ०२–००१ख ६४१३ नम्बरको ट्रकले बुधबार बिहान उनीहरुलाई ठक्कर दिएको थियो ।
दुवै बालकहरु बागेश्वरी माध्यमिक विद्यालयमा कक्षा ८ मा अध्ययनरत थिए । सोही घटनालाई लिएर स्थानीयहरुले पृथ्वीराजमार्ग अबरुद्ध गराएका छन् । ट्रक चालकलाई भने प्रहरीले नियन्त्रणमा लिएको छ ।