काठमाडौं । आईसीसी यू–१९ पुरुष विश्वकपको एसिया छनोटमा नेपालले लगातार चौथो जित निकालेको छ ।
यूएईस्थित मलेका क्रिकेट मैदानमा मंगलबार भएको खेलमा नेपालले मलेसिया माथि शानदार जित निकालेको हो । नेपालले मलेसियालाई १० विकेटले पराजित गरेको हो ।
मलेसियाले दिएको ७३ रनको लक्ष्य नेपालले आठौं ओभरको अन्तिम बलमा कुनै विकेट नगुमाई पूरा गर्यो ।
नेपालका लागि दुवै ओपनर अविजित रहे । ओपनर दिपक बोहोरा ३८ रनमा अविजित रहँदा अर्का ओपनर अर्जुन कुमाल २१ रनमा अविजित रहे ।
त्यसअघि पहिला ब्याटिङ गरेको मलेसियाले ओभरमा ३५ दशमलब ३ ओभरमा अलआउट हुँदै ७२ रन मात्र बनायो ।
मलेसियाका लागि मुहम्मद अक्रम मालेकले सर्वाधिक २६ रन बनाउँदा मुहम्मद सायाहिरले १२ रन बनाए ।
नेपालका लागि दीपेश कंडेलले सर्वाधिक ४ विकेट लिए । आकाश चन्दले ३ तथा मिलन बोहोराले २ विकेट लिए ।
राउण्ड रोबिनका आधारमा हुने प्रतियोगिताको शीर्ष टोली २०२४ मा श्रीलंकामा हुने यू–१९ विश्वकपका लागि छनोट हुनेछ।
