काठमाडौं । एसीसी प्रिमियर कप क्रिकेटमा नेपालले कतारमाथि शानदार जित निकालेको छ ।
कृतिपुर स्थित टियू मैदानमा भएको खेलमा नेपालले कतारलाई ६८ रनले हराएको हो । कतारले २५.१ ओभरमा अलआउट हुँदै मात्र ८९ रन बनाउन सक्यो । कतारका लागि तीन खेलाडीले मात्र दोहोरो अंकमा रन बनाए । खुर्रम शाहजाद र जाहिर ईब्राहिमले समान १५/१५ तथा अमिर फरिकले १४ रन बनाए ।
नेपालको जितमा सन्दीप लामिछाने नायक बनेका छन् । सन्दीपले ९.१ ओभर बलिङ गर्दै मात्र १४ रन खर्चिएर ५ विकेट लिन सफल भए । सन्दीप आजको खेलमा ब्याटिङ तर्फपनि शानदार प्रदर्शन गरे । उनले अविजित रहँदै ४२ रनको योगदान दिएका थिए ।
टस हारेर पहिले ब्याटिङ गरेको नेपालले कतारलाई मात्र १५८ रनको चुनौती दिएको थियो । नेपालका लागि कप्तान रोहितकुमार पौडेलले २७ रन बनाए । ओपनर आसिफ शेखले १९ रन बनाए भने दीपेन्द्र सिंह ऐरीले १२ रन बनाउँदा सोमपाल कामी र आरिफ शेखले समान ११/११ रन बनाए । खराब ब्याटिङ गरेको नेपालले बलिङमा भने सुखद सुरुवात गरेको थियो ।
टस हारेर ब्याटिङ गरेको नेपालले ४०.३ ओभरमा सबै विकेट गुमाएर १५७ रन बनाएको थियो ।
नेपालका लागि सोमपाल कामीले ३ विकेट लिए भने ललित राजवंशीले २ विकेट लिए ।
