काठमाडौं । विश्वकप २०१८ को छनौट अन्तर्गत मंगलबार राति भएको खेलमा कोलम्बिया विजयी भएको छ ।
इक्वेडरलाई २–० ले हराएको कोलम्बिया दोस्रो स्थानमा उक्लिएको छ ।
कोलम्बियाले इक्वेडरलाई उसकै मैदानमा हराएको हो । कोलम्बियाको जितमा जेम्स रोड्रिग्वेज र आन कुआड्राडोले गोल गरे । जितपछि कोलम्बिया १४ खेलबाट २४ अंकसहित अंक तालिकाको दोस्रो स्थानमा उक्लिएको छ ।
शीर्ष स्थानको ब्राजिलको १३ खेलबाट ३० अंक छ । कोलम्बिया तेस्रो र चौथो स्थानको उरुग्वे र चिली भन्दा एक तथा पाँचौं स्थानको अर्जेन्टिना भन्दा दुई अंकले अघि छ ।
शीर्ष चारमा पर्ने टिम विश्वकपका लागि सोझै छनौट हुनेछन् । त्यसपछि पर्ने टिमले प्लेअफ खेल्नु पर्नेछ ।
