काठमाडौं, २३ मंसिर । महिला, बालबालिका तथा जेष्ठ नागरिक मन्त्री उमा रेग्मीले महिला हिंसा अन्त्य गर्न आफुले सक्दो प्रयास गरेको बताउनुभएको छ ।
माउन्टेन टेलिभिजनको कार्यक्रम ‘आजको सन्र्दभ’मा बोल्दै उहाँले यस्तो बताउनु भएको हो । उहाँले आफुहरुले ‘महिला पहिला’ भन्ने कार्यक्रम सुरु गर्न लागेको बताउनु भएको छ । समाजमा अहिले पनि महिलाहरुलाई दोस्रो दर्जामा राख्ने भएको हुँदा ‘महिला पहिला’ भन्ने कार्यक्रम सुरु गर्न लागेको बताउनु भयो ।
महिला सुरक्षा, बालबालिकाको संरक्षण तथा जेष्ठ नागरिकको हक अधिकारका लागि आफुले कानुन र नियमावली बनाउन सफल भएको बताउनु भएको छ ।
महिलाको सामाजिक, राजनितिक तथा आर्थिक विकासका लागि यस्तो कार्यक्रम सुरु गर्न लागेको उहाँले बताउनु भयो ।
