एजेन्सी, १३ मंसिर। इशाई धर्मगुरु पोप फ्रान्सिसको अभिव्यक्ति जातीगत भएको भन्दै रुसले प्रश्न उठाएको छ। पोपले अन्तवार्तामार्फत् युक्रेनमा खटिएका चेचेन, बुरयाटीलगायत गैरइशाई सैनिक निर्दयी रुपमा प्रस्तुत भएको अभिव्यक्ति दिएका थिए । पोपको उक्त भनाईप्रति आपत्ती जनाउँदै रुसी विदेश मन्त्रालयकी प्रवक्ता मारिया जाकारोभाले रुसप्रति नकारात्मक धारणा देखाएको आरोप लगाएकी छिन् । उनले पोपको नामनलिई तल्लो स्तरको अभिव्यक्ति भनेकी छिन् । रुस बहुधार्मिक देश रहेको भन्दै आफ्नो देशकाकुनैपनि समुदाय र धर्मप्रतिको नकारात्मक भनाई सह्य नहुने बताइन् ।
पोप फ्रान्सिसल जेयुइट म्यागाजिन अमेरिकालाई दिएको अन्तवार्तामा युक्रेनमा निर्दयी रुपमा प्रस्तुत भएका चेचेत र बुरयाटीहरु रुसी भएपनि रुसी परम्परा मान्ने नभएको बताएका थिए । रुसी विदेश मन्त्रालयकी प्रवक्ता जाकारोभाले चेचेनहरु मुस्लिम र बुरियाटीहरु बौद्ध धर्मालम्बी भएकै आधारमा पोपको जातीवादी अभिव्यक्ति आएको टिप्पणी गरेकी छिन् । इस्लाम धर्मालम्बी चेचेनहरु रुसको ककेससका पहाडी र हिमाली भागमा बसोबास गर्छन् । बुरियाटीहरु बौद्ध धर्मालम्बी हुन् जो रुसको दक्षिणपूर्वी साइबेरियामा बसोबास गर्छन् ।
