५ माघ, काठमाडौँ । उच्च अदालतमा नियुक्त ८० जना न्यायाधीशले आज पद तथा गोपनियता शपथ लिँदैछन् । सर्वोच्च अदालतमा दिउँसो हुने समारोहमा प्रधानन्यायाधीश सुशीला कार्कीले शपथ गराउने कार्यक्रम छ । नेपाल बार, सरकारी वकिल र केही राजनीतिक दलको बिरोध हुँदाहुँदै न्यायाधीशलाई शपथ गराउन लागिएको हो ।
न्यायपरिषदले गएको पुस २८ गते राति नियुक्तिका लागि सिफारिस गरेपछि उनीहरुको नियुक्ति र पदस्थापन समेत भइसकेको छ । परिषद्ले कानुन, न्याय र सरकारी वकिल समूहका विशिष्ट श्रेणी, सहसचिव, पूर्वन्यायाधीश र कानुन व्यवसायीलाई समेटेर उच्च अदालतमा नियुक्तिको सिफारिस गरेको थियो । नियुक्ति असमावेशी भएको भन्दै नेपाल बारले विरोध जनाएको छ भने सरकारी वकिलहरुले निर्णय पुनर्विचार नभए बेन्च बहिष्कार गर्ने चेतावनी दिएका छन् ।
