एजेन्सी । भारतीय प्रधानमन्त्री नरेन्द्र मोदीले अन्तर्राराष्ट्रिय यात्रा सहज पार्न विश्व समुदायसँग अपिल गरेका छन् । कोभिडका कारण यात्रुलाई एक देशबाट अर्को देशमा यात्रा गर्न कठिनाई भइरहेका बेला प्रधानमन्त्री मोदीले सो अपिल गरेका हुन् । कोभिडबिरुद्ध खोप लगाएको प्रमाणको परास्परिक पहिचान गरि यात्रा सहज पार्नुपर्ने मोदीको भनाई छ ।
‘महामारीले पारेको आर्थिक असरलाई सम्बोधन गर्नु आवश्यक छ । खोप लगाएको प्रमाणलाई मान्यता दिएर अन्तर्राष्ट्रिय यात्रा सहज पारौं ।’ ग्लोवल कोभिड सम्मेलनलाई अमेरिकामा सम्बोधन गर्दाै प्रधानमन्त्री मोदीले भने । पूर्ण खोप लगाएका भारतीय वेलायतको भ्रमण गर्दा अझै पनि क्वारेन्टिनमा बस्नु पर्छ ।
वेलायतको संशोधित यात्रा निर्देशिकामा कोभिडशिल्डलाई स्वीकृत दिइए पनि त्यहाँ पुग्ने भारतीय क्वारेन्टिनमा बस्नुपर्छ । वेलायती अधिकारीहरुले कोभिडशिल्डमा समस्या नभई खोप लगाएको प्रमाणपत्र वितरणमा भारतप्रति आशंका गरेका छन् ।
