काठमाडौं । जापानले कोभ्याक्स सुविधामार्फत उपलब्ध गराएको एस्ट्राजेनेका सबै (१६ लाख डोज ) खोप नेपाल आइपुगेको छ ।
जापानले नेपाललाई १६ लाख डोज एस्ट्राजेनेका खोप कोभ्याक्स सुविधा मार्फत उपलब्ध गराएको हो ।
परराष्ट्र मन्त्रालयले आज एक ट्वीटमार्फत सबै खोप आएको जानकारी दिएको छ ।
खोपमध्ये आज ५ लाख ५९ हजार ३६० डोज खोप नेपाल आइपुगेको हो । १६ लाख डोज एस्ट्राजेनेका खोपमध्ये भदौ ५ गते २ लाख ८ हजार ७ सय डोज र गत साउनमा ९ लाख डोज खोप नेपाल आइसकेको छ ।
