सोमालियाको राजधानी मोगादिशुमा कार बम विष्फोट, १४ जनाको मृत्यु | ईमाउण्टेन समाचार

Our Network

माघ १५ २०७९, आइतबार

एजेन्सी, १२ कार्तिक । सोमालियाको राजधानी मोगादिशुमा भएको दुई फरक फरक विष्फोटमा परी १४ जनाको मृत्यु भएको छ ।
दुई हप्ता अघि पनि मोगादिशुमा विष्फोट हुँदा ३५० जनाको मृत्यु भएको थियो ।

शनिबार भएको दुवै विष्फोटको जिम्मा इस्लामिक चरमपन्थी संगठन अल शबाबले लिएको छ । पहिलो कार बम विष्फोट एक होटलको नजिक र दोस्रो विष्फोट पुरानो संसद भवन नजिकै मिनी बसभित्र गरिएको बीबीसीले जनाएको छ ।

अल( शबाबले सुरक्षा अधिकारीहरु र नेताहरु गइरहने ठाउँलाई निशाना बनाइएको बताएको छ। यद्यपी विष्फोटमा परी मृत्यु हुनेहरु अधिकांश भने सर्वसाधारण रहेका छन् ।

विष्फोटपछि सुरक्षा सतर्कता बढाइएको छ ।

मोगादिशुमा प्रान्तीय नेताहरु सरकारसँग मिलेर अल शबाबविरुद्ध रणनीति बनाउन एकजुट भएको बेला पछिल्लो धमाका भएको हो । प्रान्तीय नेताहरुसँग आइतबार बैठक बस्दैछ ।