काठमाडौं । गृहमन्त्री बालकृष्ण खाँडले मेलम्ची नदीमा आएको भीषण बाढी र पहिरो बारे अध्ययन गर्न विज्ञहरुको टोली पहिरो उद्गमस्थल भ्रेमाथाङ पठाउन निर्देशन दिएका छन् ।
पहिरोको उद्गमस्थल भ्रेमाथाङ पुगेर त्यहाँको अवस्थाको बारेमाअध्ययन गर्न राष्ट्रिय विपद् व्यवस्थापन न्यूनिकरण तथा व्यवस्थापन प्राधिकरणका सिइयो अनिल पोखेरलेलाई गृहमन्त्री खाँडले निर्देशन दिएका हुन् ।
बिहानै गृहमन्त्रीलाई बाढीले पुर्याएको क्षतिबारे जानकारी गराइएको थियो । तत्काल भूगर्वविद्सहित विज्ञ टोली पठाएर अध्ययन गर्न निर्देशन दिएका छन् ।
हेलम्बु गाउँपालिकाको भ्रेमाथाङ आसपास हिजो दिउँसोबाटै निरन्तर पानी परेकाले तल्लो तटीय क्षेत्रमा ठूलो बाढी आएको हो ।
असार १ गते आएको बाढी निरन्तरको वर्षाले भेम्राथाङको २५ प्रतिशतचउर बगेर आएको विज्ञले बताएका थिए । अहिले पनि पानी पर्ने र रोकिने भईरहेकाले बाँकी भाग बगाएर लेजान सक्ने अनुमान छ । बिहानैबाट मेलम्ची खोलामा ठूलो बाढी आएको छ ।
