काठमाडौं । आइतबार सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार आइतबार सुनको मूल्य स्थिर रही ९२ हजार ४ सय नै कायम गरिएको छ । गएको शुक्रबार पनि सुनप्रति तोलाको ९२ हजार ४ सय रुपैँयामा कारोबार भएको थियो ।
सुनको मूल्य स्थिर रहँदा चाँदीको मूल्यमा भने प्रतितोला १० रुपैँयाले वृद्धि भएको छ । महासंघका अनुसार शुक्रबार एक हजार ३ सय ५ रुपैँयामा कारोबार भएको चाँदीको मूल्य आइतबार एक हजार ३ सय १५ रुपैँया कायम गरिएको छ ।
