Our Network

असोज ६ २०७८, बुधवार

प्रदेश २ को प्रदेशसभा बैठक आज बस्दै, अगामी आर्थिक वर्षको बजेटमाथि छलफल

जनकपुरधाम । पटक–पटक स्थगित हुँदै आएको प्रदेश २ को प्रदेशसभा बैठक आज बस्दैछ ।

गत असार १ मा प्रस्तुत गरिएको अगामी आर्थिक वर्षको बजेटमाथि छलफल गर्न बैठक बस्न लागेको हो । यसअघि प्रतिपक्षी नेकपा एमाले र नेकपा माओवादी केन्द्रका सांसदहरुले क्षेत्र विकास कोषको रकम बढाउन गरेको मागमा सहमती नजुट्दा र रातो किताब तयार नहुँदा असार १५ र २३ गतेका लागि बोलाएको बैठक स्थागित भएको थियो ।

प्रत्यक्ष निर्वाचित सांसदलाई ५ करोड र समानुपातिक सांसदलाई साढे २ करोड बजेट उपलब्ध गराउनुपर्ने एमाले र माओवादीको माग छ । यो मागमा सत्तारुढ दलका अधिकांश सांसदले समर्थन गरेका छन् ।

मुख्यमन्त्री लालबाबु राउतले सांसद क्षेत्र विकासका लागि रकम बढाउने आश्वासन दिएपछि मात्र प्रतिपक्षी दुई दल एमाले र माओवादीले असार १ मा आर्थिक मामिला तथा योजनामन्त्री विजय कुमार यादवलाई बजेट टेवल गर्न दिइएको थियो ।

Leave a Reply