काठमाडौँ। प्रधानमन्त्रीमा शेरबहादुर देउवालाई नियुक्त गर्न माग गर्दै सर्वोच्चमा रिट दायर गरेका नेपाल पक्षका सांसद्हरुलाई अध्यक्ष केपी शर्मा ओलीले हस्ताक्षर फिर्ता लिन दिएको समय सकिएको छ ।
एमालेको केन्द्रीय कमिटिको बैठकले अदालतको फैसलाभन्दा पहिला सोमबार ५ बजेसम्म रिट निवेदनमा हस्ताक्षर गरेका २३ जना सांसदहरुलाई हस्ताक्षर फिर्ता लिन निर्देशन जारी भएको थियो ।
तर नेता नेपाल समूहका सांसदहरुले भने अध्यक्ष ओलीको निर्देशनअनुसार हस्ताक्षर फिर्ता लिएका छैनन् र ओलीले दिएको समय पनि सकिएको छ ।
देउवालाई प्रधानमन्त्री नियुक्त गर्न माग गर्दै अदालतमा दायर भएको रिटको हस्ताक्षर फिर्ता भएको छैन अब प्रधानमन्त्री ओलीले कस्ता निर्णय लिन्छन होला भन्ने धेरैको चासोको विषय बनेको छ ।
