एजेन्सी । युरोपको विभिन्न ११ शहरमा जारी १६ औं संस्करणको युरोकप फुटबलको क्वाटरफाइनलमा आज बेल्जियम र इटालीबीच खेल हुदै छ । जर्मनीको एलिनाज स्टेडियममा बेल्जियम र इटालीबीचको दोस्रो क्वाटरफाइनल खेल राति १२ः४५ बजे सुरु हुनेछ ।
लामो समयदेखि फिफा वरीयताको शीर्ष स्थान रहेपनि अहिलेसम्म ठुला उपाधि जित्न नसकेको बेल्जियमले साविक विजेता पोर्चुगललाई हराएर अन्तिम आठको यात्रा सुरक्षित गरेको हो । यसैगरि युरोपको फुटबल हस्ती भएपनि लामो समय उपाधि विहिन इटाली अष्ट्रीयालाई हराएर अन्तिम ८ मा पुगेको हो ।
जारी युरोकपमा दुवै टोलीले अहिलेसम्मका सबै ४ खेल जितेका छन् । दुई टिमबीच हालसम्म २२ खेल भएको छ । जसमा इटालीले १४ खेल जितेको छ । चार खेल बेल्जियमले जित्दा ४ खेल बराबरीमा सकिएको छ । मुख्य प्रतियोगितामा दुई टिमबीच पाँचौ पटक प्रतिस्पर्धा हुन लागेको हो । यस अघिको चार भेटमा इटालीले ३ जित निकाल्दा एक खेल बराबरीमा सकिएको छ ।
