मोरङ । जबरजस्ती करणी गरेको अभियोगमा एक भारतीय नागरिकलाई प्रहरीले पक्राउ गरेको छ ।
सात वर्षीया र ४ वर्षीया बालिकालाई जबरजस्ती करणी गरेको अभियोगमा रतुवामाई नगरपालिका–६ कादुपाडा डेरा गरी बस्ने भारत अररिया सिक्टीग्राम वरुदा–२ घर भएका २० वर्षीय मोहमद अझरुदिनलाई गए राति प्रहरीले पक्राउ गरेको हो ।
मोहमदले दुई जना बालिकालाई जबरजस्ती करणी गरेको भन्ने सुचनाका आधारमा ईलाका प्रहरी कार्यलय सिजुवाबाट खटिएको विशेष प्रहरीलाई उनलाई नियन्त्रणमा लिएको प्रहरीको भनाई छ ।
नियन्त्रणमा लिएका उक्त व्यक्तिलाई थप अनुसन्धानको प्रकृया अघि बढाएको प्रहरीले जनाएको छ ।
