एजेन्सी । अफगानिस्तानमा बन्दुकधारीको आक्रमणबाट १० जनाको मृत्यु भएको छ ।
उत्तरी अफगानिस्तानको बगलानस्थित एक ट्रस्टमा कार्यरत सफाइ कर्मचारीमाथि नकाबधारीहरुले गोली प्रहार गरी हत्या गरेका हुन् ।
साथै उक्त घटनामा १३ जना कर्मचारीसमेत घाइते भएको बताइएको छ । अफगानी अधिकारीहरुले तालिवानीलाई आरोप लगाएपनि इस्लामिक स्टेट आइएसले सो घटनाको जिम्मेवारी लिएको अन्तर्राष्ट्रिय समाचार संस्थाहरुले जनाएका छन् ।
अफगान सरकार र विद्रोही तालिवानबीच शान्ति वार्ता अघि बढ्न नसकिरहेका बेला अमेरिकी सेनाको बर्हिगमनसँगै हिंसाका घटनाहरु बढ्न थालेपछि सरकारी अधिकारीहरुले चिन्ता व्यक्त गरेका छन् ।
अफगानिस्तानमा गत मे १ देखि हिंसाका घटनाहरु फेरि बढ्न थालेका छन् ।
