दाङ ।दाङको तुलसीपुर उपमहानगरपालिका–६ स्याउली बजारमा पार्किङ गरी राखेको भारतीय नम्बर प्लेटको कारमा तीन जना बालक मृत अवस्थामा फेला परेका छन् । पार्किङ गरी राखेको भारतीय नम्बर प्लेटको आरजे ०१ सीसी ०८८५ कारभित्र शनिवार साँझ तीनजना बालक मृत फेला परेका हुन् ।
मृत फेला परेका बालकहरु तुलसीपुर–६ बरुवागाउँका भिमबहादुर परियारका ९ वर्षीय छोरा किरण, सोही ठाउँका सन्तोष परियारका ७ वर्षीय छोरा सुवास भन्ने सुवर्ण र किरण परियारका ६ वर्षीय छोरा करण रहेका छन् । प्रहरीले शवलाई पोष्टमार्टमका राप्ती प्रादेशिक अस्पताल तुलसीपुरमा पठाएको छ ।
इलाका प्रहरी कार्यालय तुलसीपुरका अनुसार बैशाख १६ गते कार्यालयमा दुईजना बालक हराएको भन्ने निवेदन परेको थियो । यसैबीच प्रहरीले उक्त कारका धनी र चालकलाई नियन्त्रमा लिएर अनुसन्धान समेत सुरु गरिसकेको छ ।
