भैरहवा। कोशी टप्पु वन्यजन्तु आरक्षमा पछिल्लो दुई वर्षको अवधिमा ५७ वटा अर्ना थपिएका छन् ।
२ वर्षअघि ४ सय ४१ वटाको संख्यामा रहेको अर्ना पछिल्लो गणनाको क्रममा भने ५७ वटाले वृद्धि भएको हो । आरक्ष कार्यालयले अर्ना गणना प्रतिवेदन सार्वजनिक गर्दै १२ दशमवल ९ प्रतिशतले अर्नाको संख्यामा वृद्धि भई कुल संख्या ४ सय ९८ पुगेको जानकारी दिएको छ ।
सार्वजनिक प्रतिवेदन अनुसार आरक्षमा वयस्क भाले अर्नाको संख्या २ सय २१ रहेको छ । वस्यक पोथी अर्ना १ सय ६२ वटा र अर्ध वयस्क अर्ना ४८ वटा रहेका छन् ।
आरक्ष भित्र दुई वर्ष उमेर सम्मको अर्नाको बच्चा ३५ वटाको संख्यामा रहेको छ भने एक वर्ष सम्मको बच्चा ३२ वटा भेटिएको आरक्ष कार्यलयले जनाएको छ । आरक्ष कार्यालयले अर्नाको संख्यामा वृद्धि हुँदै गएपनि संरक्षणमा समस्या थपिदै गएको जनाएको छ ।
आरक्षका प्रमुख संरक्षण अधिकृत अशोक रामले खुल्लाचरिचरण र छाडा चौपायाका कारण अर्नाको जिन समस्यामा पर्दै गएको बताउनुभएको छ । जगंली भैसी समेत भनेर चिनिने अर्ना विश्वमानै दुलर्भ वन्यजन्तुको रुपमा सरक्षिंत रहेको छ ।
