बाँके । बाँकेको भेरी अस्पतालमा उपचाररत तीन कोरोना संक्रमितकोे गए राति मृत्यु भएको छ ।
नेपालगञ्जस्थित भेरी अस्पतालको कोरोना विशेष वार्डमा उपचाररत तीन जना संक्रमितको गए राति मृत्यु भएको जिल्ला संकट व्यवस्थापन समिति बाँकेले जनाएको हो ।
मृत्यु हनेहरुमा राजापुर नगरपालिका–१ बर्दिया निवासी ७३ वर्षीय पुरुष, बाँकेको बैजनाथ गाउँपालिका–८ निवासी ७८ वर्षीया महिला र नारायण नगरपालिका–१ दैलेख निवासी ६८ वर्षीया महिला रहेको बताइएको छ ।
बाँकेमा उपचारका लागि बाहिरी जिल्लाबाट आएर ज्यान गुमाउने कोरोना संक्रमितको संख्या ९६ पुगेको छ भने बाँके जिल्लाका मात्रै ६० जनाको कोरोना संक्रमणका कारण मृत्यु भइसकेको छ ।
