काठमाडौं। नेकपा एमाले संसदीय दल कर्णाली प्रदेशले फ्लोर क्रस गरेर महेन्द्रबहादुर शाही नेतृत्वको सरकारलाई विश्वासको मत दिने चार जना नेतालाई कारबाहीका लागि सिफारिस गरेको छ ।
महेन्द्रबहादुर शाहीको सरकारले विश्वासको मत पाएपछि बसेको कर्णाली प्रदेश एमाले संसदीय दलले फ्लोर क्रस गर्ने ४ नेतालाई पार्टीको साधारण सदस्य र सांसद पदबाट हटाउनका लागि प्रदेश कमिटी र केन्द्रीय कमिटीलाई सिफारिस गरेको हो ।
नेकपा एमाले नेपाल –खनाल पक्षका चार जना नेतालाई पार्टीको साधारण सदस्य र सांसद पदबाट हटाउनका लागि प्रदेश कमिटी र केन्द्रीय कमिटीलाई सिफारिस गरेको छ ।
बैठकले पार्टीको ह्वीप उल्लंघन गरेको निष्कर्ष निकाल्दै प्रकाश ज्वाला, नन्दसिंह बुढा, अम्मरबहादुर थापा र कुर्मराज शाहीलाई पार्टी सदस्य र सांसद पदबाट हटाउन सिफारिस गरिएको छ र विश्वासको मतमा हस्ताक्षर गरी फिर्ता लिएकी देवी ओलीलाई २४ घण्टे अल्टिमेटमसहितको स्पष्टीकरण सोध्ने निर्णय गरेको छ ।
