Our Network

वैशाख २९ २०७८, बुधवार

कर्णालीका चार सांसदलाई निष्कासन गरेको सूचना प्रदेश सभामा दर्ता

सुर्खेत। कर्णालीमा प्रदेशसभामा फ्लोर क्रस गर्ने चार सांसद प्रदेश सभा सदस्यबाट निष्कासित भएका छन् ।

फ्लोर क्रस गरी माओवादी केन्द्रको सरकार जोगाउने एमाले नेपाल पक्षका चार सांसदलाई निष्कासन गरेको सूचना सहितको पत्र कर्णाली प्रदेश एमाले संसदीय दलले प्रदेश सभामा दर्ता गराएको हो ।

माओवादीबाट मुख्यमन्त्री बनेका महेन्द्रबहादुर शाहीलाई विश्वासको मत दिन फ्लोर क्रस गर्ने प्रकाश ज्वाला, अमरबहादुर थापा, नन्दसिंह बुढा र कुर्मराज शाहीलाई पदबाट मुक्त गराइएको पत्र कर्णाली प्रदेश एमाले संसदीय दलका नेता यामलाल कँडेलले प्रदेश सभामा दर्ता गराएका हुन् ।

वैशाख १० गते बसेको एमाले १० औं महाधिवेशन आयोजक कमिटीको बैठकले उनीहरुलाई प्रदेश सांसद र पार्टी सदस्यबाट निष्कासन गर्ने निर्णय गरेको थियो । बैठकले सो निर्णय कार्यन्वयनका लागि प्रदेश सभा सचिवालयलाई पत्र लेख्ने निर्णय पनि गरेको थियो । ज्वाला बाहेक तीन सांसद अहिले माओवादी सरकारमा मन्त्री छन् ।

Leave a Reply