कञ्चनपुर, १९ फागुन । जिल्ला प्रहरी कार्यालय कञ्चनपुरले हेल्थ केयर मेडिकलमा लागुऔषध बिक्री गरेको आरोपमा एक जनालाई पक्राउ गरेको छ ।
कृष्णपुर नगरपालिका – ५ गुलरियामा हेल्थ केयर मेडिकल सञ्चालन गर्दै आएका ३० वर्षीय चक्रबहादुर चौधरी लागुऔषध सहित पक्राउ परेका हुन् ।
जिल्ला प्रहरी कार्यालय कञ्चनपुरका प्रहरी प्रवक्ता, प्रहरी नायव उपरीक्षक अमरबहादुर थापाले गोप्य सूचनाको आधारमा खानतलासी गर्दा उनको साथबाट ट्रामाडोम जस्तो देखिने हरियो रङ्गको ६ सय वटा क्याप्सुल बरामद गरिएको बताए ।
घटनाबारे थप अनुसन्धान भइरहेको प्रहरीले जनाएको छ ।
