काठमाडौं, १७ फागुन । राष्ट्रपति विद्यादेवी भण्डारीले संसद अधिवेशन आह्वान गरेकी छिन् । सरकारको सिफारिस अनुसार राष्ट्रपति विद्यादेवी भण्डारीले सोमबार फागुन २३ गते अपरान्ह ४ बजेका लागि संसद अधिवेशन आह्वान गरेकी हुन् ।
प्रधानमन्त्री कार्यालयबाट संसद अधिवेशनको पत्र प्राप्त भइसकेको भन्दै सोहीअनुसार राष्ट्रपतिले २३ गते ४ बजेका लागि संसद अधिवेशन आह्वान गरेकी हुन् । शुक्रबार बसेको मन्त्रिपरिषदको बैठकले संसद बैठक आह्वानका लागि राष्ट्रपतिसमक्ष सिफारिस गर्ने निर्णय गरेको थियो ।
संसद अधिवेशन आह्वान भएसँगै प्रतिनिधिसभाबाट नयाँ सरकार गठनको पहल थालिने छ । गएको पुस ५ गते प्रधानमन्त्री केपी शर्मा आलीको सिफारिसमा राष्ट्रपतिले प्रतिनिधि सभा विघटन गरेकि थिइन् ।
सोविरुद्ध सर्वोच्चमा विभिन्न समयमा १३ वटा रिट दायर भएपछि सर्वाेच्चले गएको मंगलबार फागुन ११ गते प्रतिनिधि सभा पुनस्र्थापनाको फैसला गरेको थियो । पुनस्र्थापनासँगै सर्वोच्चले १३ दिनभित्र प्रतिनिधि सभा बैठक बोलाउनु पर्ने आदेश पनि जारी गरेको थियो ।
