काठमाडौं, १३ फागुन । नेपाली बजारमा बिहीबार पनि सुनको मूल्यमा गिरावट आएको छ । नेपाल सुनचाँदी व्यवसायी महासंघले बिहीबार सुन तोलामा ५ सय रुपैँयाले घटेको जनाएको छ ।
बुधबार ८९ हजार ८ सय रुपैँयामा कारोबार भएको सुनको मूल्य बिहीबार रु ५ सयले घटेर ८९ हजार ३ सय निर्धारण भएको महासंघले जनाएको हो । तेजावी सुनको मूल्यमा पनि बिहीबार ५ सय रुपैँयाले नै घटेर तोलाको ८८ हजार ८ सय ५० मा निर्धारण भएको छ ।
यसैगरी, चाँदीको मूल्य पनि तोलामा ५ रुपैयाँले घटेको महासंघले जनाएको छ । बुधबार प्रतितोला १३ सय ६० रुपैयाँमा कारोबार भएको चाँदीको मूल्य बिहीबार तोलाको १३ सय ५५ निर्धारण गरिएको छ ।