काठमाडौं, २५ चैत । उकालो लागेको सुनको मूल्यमा बिहीबार एक हजार रुपैँयाले वृद्धि भएको छ । नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोलामा एक हजार रुपैँयाले बढेर ८९ हजार निर्धारण गरिएको छ । यसअघि बुधबार सुन प्रतितोलाको ८८ हजार रुपैँयामा कारोबार भएको थियो ।
त्यसैगरी चाँदीको मूल्यमा पनि १५ रुपैँया बढेको महासंघले जनाएको छ । बिहीबार चाँदीको मूल्य प्रतितोलाको एक हजार २ सय ६० रुपैँया निर्धारण गरिएको छ । यसअघि बुधबार चाँदी प्रतितोलाको एक हजार २ सय ४५ रुपैँयामा कारोबार भएको थियो ।
