काठमाडौं, १२ फागुन । नेपाली बजारमा बुधबार सुनको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार बुधबार छापावाला सुनको मूल्य तोलामा ३ सय रुपैँयाले घटेर ८९ हजार ८ सय रुपैयाँमा कारोबार भइरहेको छ ।
मंगलबार सुनको मूल्य १ हजार १ सय रुपैँयाले बढेर ९० हजार १ सयमा कारोबार भएको थियो । तेजाबी सुनको मूल्य पनि तोलामा ३ सय रुपैयाँले नै घटेर ८९ हजार तीन सय ५० रुपैयाँमा कारोबार भइरहेको छ ।
यस्तै चाँदीको मूल्य भने तोलामा १५ रुपैयाँले घटेर १३ सय ४५ रुपैयाँमा कारोबार भइरहेको महासंघले जनाएको छ।
