काठमाडौं, १९ माघ । नेपाल र कतारको राष्ट्रिय क्रिकेट टिमबीच हुने भनिएको भनिएको टी–२० अन्तर्राष्ट्रिय शृंखला स्थगित भएको छ । नेपाल र कतारबीचको टी–ट्वान्टी शृंखला कतारमै फेब्रुअरी ९, १० र १२ मा हुने तय थियो ।
अन्तिम समयमा आएर कोरोना महामारीको जोखिमका कारण स्थगित भएको नेपाल क्रिकेट संघले जनाएको छ । कतार क्रिकेट संघले यसबारे जानकारी दिएको बताइएको छ ।
शृंखलाकै लागि नेपाल क्रिकेट संघ क्यानले १८ सदस्यीय टोलीलाई बन्द प्रशिक्षणमा बोलाउने निर्णय गरेको थियो । शृंखला नहुने भएपछि बन्द प्रशिक्षणसमेत नहुने भएको छ ।
