काठमाडाैं, १९ माघ । नेपाली कांग्रेसका १३ वटै भ्रातृ संस्थाले आज प्रतिनिधिसभा बिघटनविरुद्ध संयुक्त विरोध प्रर्दशन गर्दैछन् । भ्रातृ संस्थाहरुको संयुक्त आयोजनामा आज ७७ वटै जिल्लामा एकसाथ प्रदर्शन गर्न लागिएको हो ।
प्रतिनिधिसभा विघटनमार्फत सर्वसत्तावाद उन्मुख कदम, चरम भ्रष्टाचार, कुशासन, कोभिडविरुद्धको संघर्षमा देखिएको अकर्मण्यता, जनसरोकारका विषयमा सरकारी उदासीनता लगायतका मुद्दालाई अघि सारेर प्रदर्शन गर्ने जनाइएको छ ।
नेपाल महिला संघ, नेपाल तरुण दल, नेपाल विद्यार्थी संघ, नेपाल प्रजातन्त्र सेनानी संघलगायतले संयुक्त प्रदर्शन गर्न लागेको जनाएका छन् । काठमाडौंको भोटाहिटीबाट दिउँसो १ बजे विरोध प्रर्दशन शुरु हुने नेपाल आदिवासी जनजाति संघले जनाएको छ ।
