एजेन्सी, ५ असोज । इंग्लिस प्रिमियर लिग फुटबलमा लिभरपुल विजयी भएको छ ।
गएराति भएको खेलमा लिभरपुले चेल्सीलाई २–० गोल अन्तरले पराजित गर्दै लगातार दोस्रो जीत दर्ता गरेको हो ।
पहिलो हाफ गोलरहित बराबरीमा सकिएको थियो । खेलको ५० औं मिनेटमा मानेको हेड गोलमार्फत लिभरपुलले खेलमा अग्रता बनाएको थियो ।
रोबर्टाे फिर्मिन्होको क्रसमा मानेले हेडमार्फत गोल गरेका थिए । त्यसको चार मिनेटपछि उनैले एनफिल्ड क्लबको अग्रता दोब्बर बनाउने काम गरे । चेल्सीमाथि शानदार जितसँगै लिभरपुलले नयाँ सिजन समेत उपाधिमा बलियो दाबेदारिता प्रस्तुत गरेको छ ।
जित सहित लिभरपुलले २ खेलबाट ६ अंक जोडेको छ भने चेल्सीको २ खेलबाट ३ अंक भएको छ ।