एजेन्सी,१७ भदाै ।अमेरिकी राष्ट्रपति डोनाल्ड ट्रम्पले प्रहरीको गोली प्रहारबाट अश्वेत अमेरिकी घाइते भएको विस्कन्सिन राज्यस्थित केनोशा शहरको भ्रमण गर्नुभएको छ ।
राष्ट्रपति ट्रम्प गत २३ अगस्टमा प्रहरीले अश्वेत अमेरिकी जेकब ब्लेकलाई गोली प्रहार गरेपछि विरोध प्रदर्शन भइरहेको केनोशा शहर पुग्नुभएको हो । त्यहाँ हिंंसात्मक आन्दोलनको अवस्था सिर्जना भएपछि ट्रम्प कानुन कार्यान्वयनलाई बल दिन भन्दै त्यहाँ पुग्नुभएको अन्तराष्ट्रिय संचारमाध्यमहरुले जनाएका छन् ।
ट्रम्पले प्रहरकिो गोलीबाट घाइते भएका जेकब ब्लेकका परिवारलाई भने नभेटेको बताइएको छ । ब्लेकका परिवारले आफ्ना वकिलहरूको उपस्थितिमा भेट हुनुपर्ने माग राखेपछि उनीहरुलाई नभेटेको राष्ट्रपति ट्रम्पले बताउनु भयो । ट्रम्पले विरोध प्रदर्शनबाट प्रभावित क्षेत्र पुगेर अमेरिकी प्रहरीले गरेका कार्यको बचाउ गर्नुभयो ।