सिन्धुली, ९ भदौ । सिन्धुली–विपि राजमार्ग अन्र्तगत पर्ने कमलामाई नगरपालिका–९ भिमानमा डिउटीमा खटिएका प्रहरीलाई एक सय रुपैंया फ्याकेर हिँडेको गाडीलाई नियन्त्रणमा लिइएको छ । सर्लाहीबाट काभ्रे पनौती तर्फ जादै गरेको बा २१ च ३९९८ नम्बरको गाडीलाई सोमबार सिन्धुलीमाढीमा खटिएका प्रहरीले नियन्त्रणमा लिएका हुन् ।
प्रहरीलाई आर्थिक प्रलोभनमा पार्ने÷पार्ने खोज्नेलाई जिल्ला प्रहरी कार्यालयले कारर्वाही गदै आएको छ । तीन वटा दुध दिने भैंसी बोकेको गाडीले इलाका प्रहरी कार्यालय भिमानको चेक पोष्टमा खटिएका प्रहरी जवान दिपक भण्डारीलाई नगद सय रुपैंया फालेर गाडी हिडेकोे जिल्ला प्रहरी कार्यालयलाई जानकारी भयो ।
प्रहरी नायव उरीक्षक श्यामबहादुर खत्रीले भन्नुभयो,‘उक्त गाडीलाई नियन्त्रणमा लिई प्रहरीलाई कुनै किसिमको आर्थिक प्रलोभनमा नपार्ने र नदेखाउने सर्तमा प्रहरीलाई फ्याकेको सय रुपैयाँ फिर्ता गरेर हजार रुपैँया ट्राफिक जरिवाना तिराएर पठायौँ ।’
यता जिल्ला ट्राफिक प्रहरी कार्यालय सिन्धुलीका प्रमुख कृष्णबहादुर क्षेत्रीले पनि प्रहरीलाई आर्थिक प्रलोभन पार्न खोजेपछि नियम अनुसार एक हजार रुपैंया जरिवाना गराएर छोडिएको बताउनुभयो ।
