एजेन्सी, २७ साउन । अमेरिकाको राष्ट्रपति निवास तथा कार्यालय रहेको ह्वाइट हाउस नजिक गोली चलेको छ ।
राष्ट्रपति डोनाल्ड ट्रम्प पत्रकार सम्मेलनमा व्यस्त रहेका बेला ह्वाइट हाउस नजिकै गोली चलेको हो ।
गोली चलेको आवाज सुनेसँगै राष्ट्रपतिको सुरक्षा समूह सेक्रेट सर्भिसका सुरक्षाकर्मीले पोडियममा बोलिरहेको ट्रम्पलाई सुरक्षित तवरले त्यहाँबाट फिर्ता लगेको बीबीसीले जनाएको छ ।
गोली चलेको केहि समयपछि पुनः पत्रकार सम्मेलनमा उपस्थित भएका ट्रम्पले ह्वाइट हाउस नजिकै एक व्यक्तिमाथि गोली प्रहार भएकोले सुरक्षा सतर्कता अपनाउनु परेको बताउनुभयो ।
यदपी गोली किन चलाईयो र कसले चलायो भन्ने यकिन भइसकेको छैन ।
