अष्ट्रेलियामा यसैबर्षका लागि तय भएको टी–ट्वान्टी विश्वकप क्रिकेट भने सन् २०२२ मा
एजेन्सी, २४ साउन । सन् २०२१ मा लागि भारतमा हुने तय भएको अन्तर्राष्ट्रिय क्रिकेट काउन्सील आईसीसी टी–ट्वान्टी विश्वकप क्रिकेट नसर्ने भएको छ . अन्तर्राष्ट्रिय क्रिकेट काउन्सील द आईसीसी ले २०२१ को विश्वकप तोकिएकै मितिमा भारतमै आयोजना हुने निश्चित गरेको हो । कोरोना भाइरसको महामारीको कारण प्रतियोगिता सर्ने आशंका गरिएकोबेला आईसीसीले भारतलाई आगामी वर्ष तय भएको विश्वकप तोकिएकै मितिमा आयोजनाको अधिकार दिएको हो ।
आईसीसीबाट अनुमति पाएसँगै भारतमा हुने टी–ट्वान्टी विश्वकप क्रिकेट सन् २०२१ को अक्टोबरदेखि नोभेम्बरसम्म हुनेछ । फाइनल नोभेम्बर १४ मा हुने बताइएको छ । आईसीसीले अष्ट्रेलियामा २०२१ मै हुने भनिएको टी–ट्वान्टी विश्वकप क्रिकेट भने २०२२ सम्मका लागि स्थगित गरेको छ । आइसीसीले अष्ट्रेलियामा यसैवर्ष आयोजना हुने तय भएको टी–ट्वान्टी विश्वकप क्रिकेट भने सन् २०२२का लागि सारेको छ ।
आइसीसीले न्युजिल्यान्डमा आगामी वर्ष आयोजना गर्ने भनिएको महिलाको एकदिवसीय विश्वकप क्रिकेट भने एक वर्ष सारेको छ । अब महिला एकदिवसीय विश्वकप क्रिकेट २०२२ मा हुनेछ ।