काठमाडौं । काठमाडौं प्रहरीले क्षेत्रपाटीबाट ८८ किलो अबैध सुन बरामद गरेको छ । केरुङ नाकाबाट काठमाडौँ ल्याइएको उक्त परिणामको सुन बरामद भएको हो ।
गाडी चालक मनोज अधिकारीसहित सिल्भर कलरको बा१७ च ६४२७ नम्बरको टाटा सफारीलाई नियन्त्रणमा लिएको महानगरीय प्रहरी अपराध महाशाखाका प्रवक्ताले इमाउण्टेनलाई जानकारी दिएका छन् ।
महाशाखाका अनुसार केही बेरमा पत्रकार सम्मेलन गरेर बरामद भएको सुनको बारेमा थप विवरण दिइनेछ । बरामद भएको सुन अहिलेसम्मकै ठूलो परिणामको भएको बताईएको छ ।
केही दिन अघि पनि प्रहरीले काठमाण्डौँको टोखाबाट १५ किलो अवैध सुन बरामद गरेको थियो ।
