बारा, १८ असोज । इलाका प्रहरी कार्यालय जीतपुरले दुध बोक्ने गाडीबाट अबैध घरेलु मदिरा बरामद गरेको छ । जीतपुरका प्रहरीले विहीवार बिहान चेकजाँचका क्रममा डि.डि.सी कम्पनीको दुध बोक्ने गाडीबाट मदिरा बरामद गरेको हो ।
हेटौंडाबाट बिरगंजसम्म नियमित डि.डि.सी को दुध पु-याउने ना.३.ख.११७८ नम्बरको ट्रकमा अबैध मदिरा ओसार पसार हुने गरेको सुचनाका आधारमा प्रहरीले बिहान चेकजाँच गरेको थियो ।
चेकजाँचका क्रममा दुध राख्ने ट्रे (भाँडो) माथी लुकाई हरेक दिन यसरी अबैध घरेलु मदिरा ओसार पसार हुँदै आएको प्रहरीले जानकारी दिएको छ । प्रहरीले ट्रकबाट करिब दुई सय ९५ लिटर अबैध मदिरा, ट्रक सहित तीन जनालाई नियन्त्रणमा लिएको छ ।
