न्यायपालिकालाई जनताको अधिकारमा केन्द्रित बनाउन सबै पक्षले प्रभावकारी भुमिका खेल्न आवश्यकः न्यायाधीश ढुंगाना

सर्वोच्च अदालतका न्यायाधीश टेकप्रसाद ढुंगानाले स्वतन्त्र न्यायपालिकालाई जनताको अधिकारमा केन्द्रित बनाउन सबै पक्षले प्रभावकारी भुमिका खेल्न आवश्यक रहेको बताउनुभएको छ ।
शुक्रवार नेपाल बार एशोशिएशनमा आयोजित कार्यक्रममा बोल्दै उहाँले यस्तो बताउनुभएको हो । उहाँले स्वतन्त्र, सक्षम र अनुभवी कानून व्यवसायी हुँदा मात्रै न्यायपालिकाले प्रभावकारी रुपमा कार्यसम्पादन गर्नसक्ने समेत बताउनु भयो । उहाँले वित्तीय अपराध, भ्रष्टाचार र सम्पती शुद्धीकरणजस्ता विषयमा कानून व्यवसायी तथा न्यायकर्मीमा ज्ञानको कमी हुन नदिन जर्नल प्रकाशनलाई प्राथमिकता दिनुपर्ने समेत बताउनु भयो । न्यायाधीश ढुंगानाले विधायिकाले वित्तीय अपराध, भ्रष्टाचार र सम्पत्र् िशुद्धीकरणसम्बन्धी कानून निर्माण गरिरहेको भएपनि अपराधका अवधारणाबारे कानून व्यवसायी तथा न्यायधीशहरुमा ज्ञानको कमी हुने गरेको बताउनुभयो । उहाँले न्यायपालिकालाई अझै परिस्कृत र न्यायपालिकामाथिको नागरिकको विश्वास बढाउन सबै पक्षले जिम्मेवारपूर्ण भुमिका खेल्न आवश्यक रहेको पनि बताउनु भयो । उहाँले सर्वोच्च अदालतले एकदमै अनुशासित र व्यवसाययिक निपूर्णताका साथ काम गरिरहेको समेत बताउनु भयो ।
उहाँले भन्नुभयो, ‘हामीले इजलासमा एकदमै अनुशासित रुपमा तयारी र व्यवसायिक निपूर्णताका साथ काम गर्ने गरेका छौँ । अनुभवि र सक्षम कानून व्यवसायी हुँदा नै इजलासले राहतको महसुस गर्दछ । त्यसकारण यो विशेष अदालत बार एशोशिएशन गठनलाई मैले वित्तीय अपराध, भ्रष्टाचार र सम्पती शुद्धीकरण लगायतलाई हामीले नर्मलाइज गरिरहेका छौँ । विधायिकाले काम गरिरहेको छ । तर हामी न्यायकर्मीहरु ती हरेक अपराधको अवधारणा, त्यसको पछिल्लो विकासको कुरामा अल्पज्ञान रहिरहेका हुन्छौँ । तसर्थ बकानुन व्यवासयी तथा न्यायकर्मीहरुमा रहको अल्पज्ञानको डिफिसियन्सीलाई पूर्ति गर्न यस्ता खालका जर्नल तथा वेबसाइटहरुले हामीलाई एकदमै मद्दत पुर्याउँछन् । त्यसकारण आज सार्वजनिक भएको विशेष अदालत जर्नलमा आर्थिक अपराध र भ्रष्टाचारसँग सम्बन्धीत कुराहरु र अहिलेको क्रृतिम बौद्धिकता (एआई) कुरा र फैसलामा भएका महत्वपूर्ण कुराहरुलाई समेत समेटेर आएको यसले सहयोग पुग्नेछ । हाम अग्रजहरुले हामीलाई स्वतन्त्र न्यायपालिकाको जिम्मा लगाउनुभएको छ । द हामीले यी संस्थाहरुलाई यही रुपमा अझै गुणात्मक रुपमा परिस्कृत गर्दै न्यायपालिकालाई अझै जनताको अधिकारको कुरामा केन्द्रित हुनसक्ने र समन्नुत न्यायपालिका र समुन्नत बारको रुपमा विकसित गर्दै भावी पुस्तालाई हस्तान्तरण गर्नुपर्ने हाम्रो कर्तव्य हो ।  त्यसमा हामी सबै लागौँ ।’
उहाँले न्यायपालिको कार्यसम्पदानलाई अझै प्रभावकारी र प्रविधिमैत्री बनाउनुपर्नेमा जोड दिनुभयो ।