काठमाडाैं, २२ असार । मुस्ताङको दामोदरकुण्ड गाउँपालिकाको वडा नं ३ काे स्याङबुचेमा बा. २ क २२१९ नम्बरको टिपर दुर्घटना भएको छ । दुर्घटनामा परी १५ जनाको मृत्यु भएको छ । मृत्यु हुनेमा ११ जना पुरुष र ४ जना महिला रहेको जनाइएको छ । दुर्घटनामा परी दर्जन बढी मजदुर घाइते भएका छन् ।
कालीगण्डकी करिडोर सडकमा काम गर्ने मजदुर चढेको टिपर दुर्घटनामा परेको हो । दुर्घटनामा परी मृत्यु हुनेको अझै सनाखत हुन सकेको छैन । सडक निर्माणमा खटिएका मजदुर खाना खाएर काममा फर्किने क्रममा दुुर्घटना भएको जिल्ला प्रहरी कार्यालय मुस्ताङले जनाएको छ । घाइतेको उपचारका लागि स्थानीय अस्पतालमा भर्ना गरिएको छ ।
के कारणले टिपर दुर्घटना भएको हो भन्नेबारेमा प्रहरीले केही बताएको छैन । घटनाको विस्तृत विवरण अझै आइपुगेको छैन ।
