२४ साउन, काठमाण्डौँ । नायिका रेखा थापाले राप्रपा प्रवेश गर्दै गर्दा आफ्नो भाषणको क्रममा भनेकी थिइन्, ‘यो मेरो पहिलो र अन्तिम पार्टी हो । म नेपालको र राप्रपाको झन्डा ओढेर मर्न चाहन्छु ।’
तर यिनै रेखा थापाले आफ्नो बोली फेर्दै कमल थापा नेतृत्वको राप्रपालाई छोडेर पशुपति शमसेर जबरा नेतृत्वको राप्रपा (प्रजातान्त्रिक)मा प्रवेश गरेकी छिन् ।
आफू कमल थापाको बीग फ्यान भएको बताउँदै आएकी रेखाले मंगलवार उनै कमल थापाको साथ छाडेकी छिन् । केहीदिन अगाडि मात्र पशुपति शम्शेर राणाले राप्रपा फुटाएर राप्रपा प्रजातान्त्रिक गठन गरेका थिए ।
मंगलवार रेखाले आफू राप्रपा प्रजातान्त्रिकमै रहेको आधिकारिकताको प्रमाण नेता दिपक बोहोरालाई बुझाउँदै कमल थापाको साथ छाडेकी हुन् ।
कमल थापाकै कारण राप्रपा नेपालको महाधिवेशनमा केन्द्रिय सदस्यमा समेत जित हासिल गरेकी रेखा पहिले एमाओवादी छाडेर राप्रपामा आएकी थिइन् । यद्यपी राप्रपामा आईसकेपछि भने आफूले कहिल्यै एमाओावादीको सदस्यता नलिएको जिकिर गरेकी थिइन् ।
रेगायिका कोमल वली भने कमल थापाकै पार्टीमा छिन् ।
