काठमाडौं, २३ कात्तिक । अछामकी एक महिला काठमाडौंबाट पक्राउ परेकी छिन् । आफ्नै छिमेकी युुवकको हत्या गरेर फरार लक्ष्मी सुनार काठमाडौंको माछापोखरीबाट पक्राउ परेकी हुन् ।
पञ्चदेवल विनायक नगरपालिका–८ की लक्ष्मीले आफ्नै छिमेकी युवक दिपेन्द्रबहादुर शाहीको हत्या गरेको प्रहरीले जनाएको छ ।
घटना गत कात्तिक १७ गते बिहान साढे ६ बजेको हो । हत्या गरेलगत्तै उनी फरार थिइन् । लक्ष्मीलाई पक्राउ गरी आवश्यक कारबाहीका लागि जिल्ला प्रहरी कार्यालय अछाम पठाएको प्रहरीले जनाएको छ ।
