झापा । निषेधाज्ञाका कारण झापामा निजी र सार्वजनिक सवारीका साधनहरु आंशिक रुपमा मात्र संचालनमा आएका छन् । निषेधाज्ञाभर निजी र सार्वजनिक दुवै सवारी साधन संचालनमा जोरबिजोर प्रणाली लागु गरिएको छ । नियम उल्लघन गर्ने सयौँ सवारी साधनलाई प्रहरीले नियन्त्रणमा लिएको छ ।
बिहान ६ बजेबाट ११ बजेसम्म खुलेका बजार र पसल समेत बन्द गरिएको छ । बैशाख १९ गते मध्यरातबाट २६ गते आइतबार मध्यराती १२ बजेसम्मका लागि झापामा निषेधाज्ञा लगाएको छ ।
निषेधाज्ञा उल्लंघन र आदेशको अवहेलना गर्ने वा काममा बाधा पु¥याउनेलाई संक्रमण रोग नियन्त्रण ऐन २०२० तथा प्रचलित कानुन बमोजिम सजाय हुने जिल्ला प्रशासन कार्यालय झापाले जनाएको छ ।
कोरोना संक्रमणले ग्रस्त भारतसँग १ सय ४४ किलोमिटर खुल्ला सिमाना जोडिएको झापामा दोस्रो लहरको कोरोना तिब्र रुपमा समुदायमा फैलन सुरु भएसँगै ७ दिनकालागि निषेधाज्ञा जारी गरिएको हो ।
