काठमाडौं, २६ चैत। जल तथा मौसम पूर्वानुमान महाशाखाका अनुसार आज देशका पहाडी भूभागमा आंशिकदेखि सामान्य बदली रही बाँकी भूभागमा मौसम आंशिक बदली रहने जनाएको छ ।
हाल देशमा स्थानीय वायुको तथा पश्चिमी वायुको आंशिक प्रभावका साथै नेपाल भन्दा दक्षिणमा बनेको तल्लो वायुमण्डलीय न्युन चापीय प्रणालीको पनि प्रभाव रहेको छ ।
अहिले देशको पहाडी भूभागहरूमा आंशिक बदली रहेको छ साथै देशका केही स्थानहरूमा तुंवालो लागेको अवस्था छ । बिहीबार दिउँसो देशका पहाडी भूभागमा आंशिकदेखि समान्य बदली रही बाँकी भूभागमा मौसम आंशिक बदली रहने छ ।
प्रदेश १ का पहाडी भूभागका थोरै स्थान र बाँकी प्रदेशका पहाडी भूभागका केही स्थानमा अपरान्हतिर मेघगर्जन र चट्याङसहित हल्का वर्षाको सम्भावना रहेको छ । देशका केही स्थानहरूमा तुंवालो रही रहने सम्भावना रहेको पनि महाशाखाले जनाएको छ ।
आज राति पनि देशका पहाडी भूभागमा आंशिकदेखि समान्य रही बाँकी भूभागमा मौसम आंशिक बदली रहने छ । पहाडी भूभागका केही स्थानमा मेघगर्जन र चट्याङसहित हल्का वर्षाको सम्भावना रहेको छ । महाशाखाका अनुसार आज राति पनि देशका केही स्थानहरूमा तुंवालो रही रहने सम्भावना रहेको छ ।
देशका पहाडी भूभागमा आंशिकदेखि सामान्य बदली रही प्रदेश १ का पहाडी भूभागका थोरै स्थानमा मेघगर्जन र चट्याङ र बाँकी प्रदेशका पहाडी भूभागका केही स्थानसहित हल्का वर्षा र हिमपातको सम्भावना रहेको साथै देशको तराई र पहाडी भूभागका केही स्थानहरुमा तुंवालो लागेकोले सोबाट समेत बच्न आवश्यक सतर्कता अपनाउन महाशाखाले अनुरोध गरेको छ ।
