एजेन्सी, १९ वैशाख । विश्व महामारीको रुपमा फैलिरहेको कोरोना भाइरस संक्रमितको संख्या ३३ लाख भन्दाबढी पुगेको छ ।
पछिल्लो तथ्यांक अनुसार विश्वमा कोरोना संक्रमितको संख्या ३३ लाख ८ हजार पुगेको छ । त्यसैगरी २ लाख ३४ हजार जनाको कोरोना संक्रमणबाट मृत्यु भइ सकेको छ भने १० लाख भन्दाबढी उपचारपछि निको भएर घर फर्किसकेका छन् ।
अमेरिकामा १० लाख ९५ हजार कोरोना संक्रमित हुँदा ६३ हजार ८ सय जनाको मृत्यु भएको छ । त्यसैगरी स्पेनमा २४ हजार ५ सय, इटालीमा २७ हजार ९,बेलायतमा २६ हजार ७ सय , फ्रान्समा २४ हजार ३ सय जनाकोे मृत्यु भएको छ । भारतमा ३४ हजार ८ सय ६३ जना संक्रमित हुंदा ११ सय ५४ जनाको मृत्यु भएको छ । पाकिस्तानमा संक्रमितको संख्या १६ हजार ८ सय पुग्दा ३ सय ८५ जनाको मृत्यु भएको छ ।
