काठमाडौं, ४ फागुन । फेब्रेअरी २७ देखि मार्च ६ तारिखसम्म थाइल्याण्डमा हुने भनिएको एसीयाली क्रिकेट काउन्सील एसीसी इस्टर्न रिजन टी २० क्रिकेट प्रतियोगिताको खेल तालिका परिवर्तन हुने भएको छ । कोरोना भाइरसका कारण चीन र मलेसियाले सहभागिता नजनाउने भएपछि एसीसीले खेल तालिका नै परिवर्तन गर्ने भएको हो ।
यसअघि सहभागि आठ टिमलाई दुई समुहमा विभाजन गरेर खेल तालिका बनाइएको थियो । तर दुई देशले प्रतियोगिताबाट नाम फिर्ता लिएपछि अब बाकी ६ टिमलाई समावेश गरेर राउण्ड रोविन लिगका आधारमा प्रतियोगिता गराइने भएको छ । जसमा शिर्ष दुई टिमले फाइनल खेल्ने भएका छन ।
प्रतियोगितामा नेपालसंगै थाइल्याण्ड, सिंगापुर, हङकङ, म्यानमार र भुटान सहभागि हुनेछन् ।
