काठमाडौं, ३ फागुन । सहिद स्मारक ए डिभिजन लिग फुटबलको अन्तिम खेलमा आज त्रिभुवन आर्मी र मछिन्द्र क्लब भिड्दैछन् । सहिद स्मारक ए डिभिजन लिगले आज नयाँ क्लबलाई च्याम्पियनको रुपमा पाउन लागेको हो ।
आजको खेल काठमाडौंको त्रिपुरेश्वरस्थित दशरथ रंगशालामा दिउँसो साढे १ बजेदेखि सुरु हुनेछ । स्थिर प्रर्दशन र टिम गेमको राम्रो नमुना प्रस्तुत गरेको आर्मी लयमा देखिन्छ । राष्ट्रिय टिमका अधिकांश स्टार खेलाडी अनुबन्धन गरेको मछिन्द्रपनि उत्कृष्ट खेल खेल्दै आफुलाई अग्र स्थानमा राख्न चाहान्छ ।
लिगको अन्तिम खेल बाँकी रहदा मछिन्द्र आर्मी भन्दा एक अंकले पछि रहेको छ । त्यसैले उपाधि जित्न अन्तिम खेलमा मछिन्द्रलाई जित्नै पर्ने दबाब रहेको छ । बराबर र हारले मछिन्द्र च्याम्पियन बन्ने छैन । आर्मीको २९ अंक रहदा मछिन्द्रको २८ अंक रहेको छ ।
