वीरगञ्ज, २२ पुस । अवैध रूपमा नेपाल प्रवेश गर्न लागेका एक तिब्बती सहित ४ भुटानी नागरिकलाई सशस्त्र प्रहरीले नियन्त्रणमा लिएको छ ।
भारतको बोधगयाबाट काठमाडौं जान लागेको बा ५ ख २३८८ नम्बरको नेपाल–भारतमैत्री बसमा सवार १ तिब्बती र ४ भुटानीलाई सशस्त्र प्रहरीले वीरगञ्जबाट नियन्त्रणमा लिएको हो ।
पक्राउ पर्नेमा तिब्बती नागरिक कुन्छोक तसोमो, भुटानी नागरिकहरू डोल्मा तामाङ, छोदेन तामाङ, छुन्दु लह्मो र ज्ञानबहादुर तामाङ रहेका छन् ।
उनीहरूलाई आवश्यक अनुसन्धान र कारबाहीका लागि अध्यागमन विभाग काठमाडौं पठाइएको अध्यागमन कार्यालय, वीरगंजका अध्यागमन सहायक ध्रुव अधिकारीले माउन्टेन टिभिलाई बताउनु भयो ।
यसअघि गत असोजमा पनि नेपाल–भारतमैत्री बसबाट भारी मात्रामा अवैध लागूऔषध बरामद भएको थियो ।
