सत्य निरुपण तथा मेलमिलाप र वेपत्ता छानविन आयोग गठनका बिषयमा छलफल
काठमाडौं, २१ पुस । नेपाल कम्युनिष्ट पार्टी नेकपाका अध्यक्ष पुष्पकमल दाहाल र कांग्रेस सभापति शेरबहादुर देउवाबीच सोमबार भेटवार्ता भएको छ ।
राजधानीको बुढानीलकण्ठस्थित देउवा निवासमा भएको भेटवार्तामा सत्य निरुपण तथा मेलमिलाप र वेपत्ता छानविन आयोग गठनका बिषयमा दुवै नेताबीच छलफल भएको जनाइएको छ ।
अध्यक्ष दाहालका साथ नेकपाका महासचिव बिष्णु पौडेल पनि देउवा निवास पुग्नुभएको थियो । छलफलमा देउवा र दाहालले आयोग गठन छिटो हुनुपर्नेमा जोड दिनुभएको बताइएको छ ।
देउवाले दाहालसंग सरकारले ल्याएका मिडिया काउन्सिल लगायतका विवादास्पद विधेयक फिर्ता लिन पनि आग्रह गर्नुभएको थियो ।
