काठमाडौं, ६ पुस । नेपाल कम्युनिस्ट पार्टी नेकपाको स्थायी समिटी बैठक आजपनि जारी छ । पुष्पकमल दाहालले राजनीतिक प्रतिवेदनका बारेमा स्थायी कमिटीका सदस्यहरुले उठाएका प्रश्नहरुको जवाफ दिने कार्य नसकिएपछि बैठक आजपनि बसेको हो ।
शनिबारको बैठकमा जवाफ दिने क्रममा दाहालले स्थायी कमिटीको बैठकमा व्यक्त विचारहरुले पार्टीलाई सुदृढीकरण गर्न, एकतालाई तीव्रता प्रदान गर्न र तीनै तहको सरकारलाई प्रभावकारी बनाइ देशलाई सही दिशामा अघि बढाउने मद्दत पुगेको विचार राखेको प्रवक्ता नारायणकाजी श्रेष्ठले जानकारी दिनुभएको थियो ।
आजको बैठकमा अध्यक्ष पुष्पकमल दाहाल र महासचिव विष्णु पौडेलले बैठकमा सदस्यहरुले उठाएका प्रश्नहरुको जवाफ दिने कार्यतालिका छ ।