एजेन्सी, १९ भदौ । इटालीका मातेओ बेर्रे्तिनी पहिलो पटक ग्राण्डसलाम टेनिसको सेमिफाइनलमा प्रवेश गरेका छन् । २४ औँ बरियताका मातेओ युएस ओपन टेनिसको अन्तिम चारमा स्थान बनाउन सफल भएका हुन् ।
क्वाटर फाइनलमा गेल मोनफिल्सलाई पाँच सेटको खेलमा पराजित गरेर उनले अन्तिम चारमा स्थान पक्का गरेका हुन् । मातेओले गेललाई ३–६, ६–३, ६–२, ३–६ र ७–६ (७–५) को सेटमा पराजित गरेका हुन् । मातेओले तीन पटकका विजेता राफायल नाडाल या अर्जे्न्टिनी खेलाडी डिएगो स्वार्टज्मानसँग प्रतिस्पर्धा गर्ने छन् । २३ वर्षका मातेओले ३३ वर्षका फ्रान्सेली खेलाडी गेललाई पराजित गरेर अन्तिम चारमा स्थान बनाउनु जीवनको ठूलो उपलब्धी रहेको बताएका छन् ।
